Gernot Rohr, landsliðsþjálfari Nígeríu, gat brosað eftir sigur sinna manna á Íslandi á HM í dag.
Rohr og félagar höfðu betur með tveimur mörkum gegn engu og eru í öðru sæti riðilsins þegar einn leikur eftir.
Rohr hafði ekki of mikið að segja eftir leikinn en ræddi um næsta leik gegn Argentínu sem verður mikilvægur.
,,Þetta er úrslitaleikur í riðlinum. Sá sem vinnur getur komist áfram. Við spiluðum gegn þeim í æfingaleik og þá unnum við 4-2. Þeir voru reyndar án Messi en við höfum sýnt það að við getum unnið þá,“ sagði Rohr.
,,Strákarnir sem eru í þessu liði eru að læra og koma tvíefldir til leiks á HM 2022. En við getum unnið Argentínu.“
,,Það var ekki eins heitt og við töldum. Það var engin sól klukkan 18 og leikvangurinn var í skugga. Það var ekki svo heitt. Ég sagði að þetta væri kostur fyrir Ísland þegar hálftími var liðinn. Við lékum af fullum krafti og hann hafði minni áhrif á gæði leiksins hjá mínu liði.“