Serbía 1-2 Sviss
1-0 Aleksandar Mitrovic(5′)
1-1 Granit Xhaka(52′)
1-2 Xherdan Shaqiri(90′)
Sviss vann gríðarlega sterkan sigur í riðlakeppni HM í dag er liðið mætti Serbíu í öðrum leik sínum í keppninni.
Sviss gerði jafntefli við Brasilíu í fyrsta leik mótsins en vann svo Serbíu með tveimur mörkum gegn einu í dag.
Sviss lenti undir snemma leiks er Aleksandar Mitrovic skoraði fyrir Serba með flottum skalla.
Granit Xhaka jafnaði svo metin fyrir Sviss snemma í síðari hálfleik með frábæru marki en hann þrumaði knettinum í netið fyrir utan teig.
Xherdan Shaqiri sá svo um að tryggja Sviss öll stigin á 90. mínútu og fer liðið fyrir ofan Serbíu í riðlinum.
Kosta Ríka er því úr leik á botni riðilsins en liðið tapaði fyrir Brasilíu í dag.