Ramiro Funes Mori hefur skrifað undir samning við Villarreal í spænsku úrvalsdeildinni.
Þetta var staðfest í dag en Funes Mori kemur til Villarreal frá Everton þar sem hann hefur verið undanfarin þrjú ár.
Funes Mori er 27 ára gamall varnarmaður en hann kom til Everton árið 2015 frá River Plate.
Funes Mori hefur ekki alltaf átt fast sæti á Goodison Park og á að baki 55 deildarleiki fyrir liðið.
Funes Mori hefur einnig spilað fyrir landslið Argentínu en hann hefur unnið sér inn 19 leiki.