Luka Modric átti frábæran leik fyrir Króatíu í kvöld er liðið mætti Argentínu á HM í Rússlandi.
Modric var valinn maður leiksins í kvöld en hann skoraði annað mark Króata í öruggum 3-0 sigri.
Argentínumenn náðu sér alls ekki á strik í kvöld og heldur ekki þeirra helsta stjarna, Lionel Messi.
Modric var spurður út í Messi eftir leikinn og segir að hann þurfi hjálp frá liðsfélögum sínum.
,,Messi er ótrúlegur leikmaður en hann getur ekki gert þetta einn. Þú þarft hjálp í fótbolta,“ sagði Modric.
