Kylian Mbappe reyndist hetja Frakklands í dag er liðið mætti Perú í riðlakeppni HM í Rússlandi.
Mbappe er aðeins 19 ára gamall en er þrátt fyrir það fastamaður í landsliðinu og spilaði einnig í fyrsta leik gegn Ástralíu.
Mbappe skoraði mark Frakka í 1-0 sigri í dag og varð þar með sá yngsti í sögunni til að skora fyrir Frakkland á stórmóti.
Fjölmargar stórstjörnur hafa spilað fyrir Frakka í gegnum tíðina en enginn skoraði jafn ungur og Mbappe.
Mbappe bætir met David Trezeguet og Thierry Henry en þeir voru 20 ára gamlir er þeir skoruðu á HM 1998.