Danmörk og Ástralía gerðu 1-1 jafntefli í fyrsta leik dagsins á Heimsmeistaramótinu í Rússlandi í dag.
Danir höfðu unnið í fyrstu umferð á meðan Ástralía hafði tapað fyrir Frakklandi.
Christian Eriksen kom Dönum yfir með laglegu marki í fyrri hálfleik. Liðsfélagi hans gerði þá vel og kom boltanum á Eriksen sem kom hlaupandi inn í teiginn og kláraði vel.
Það var svo dæmt vítaspyrna með aðstoð VAR þegar boltinn fór í hönd á leikmanni Dana.
Mile Jedinak miðjumaður Aston Villa steig á punktinn og skoraði. Lokastaðan 1-1. Danir í fínni stöðu með 4 stig en eiga leik við Frakkland í síðustu umferð.