Hörður Snævar Jónsson skrifar frá Volgograd:

Carl Ikeme, markvörður Wolves á Englandi, var greindur með krabbamein á síðasta ári og berst nú við sjúkdóminn. Ikeme er 32 ára gamall og kemur frá Nígeríu en hann hefur allan sinn feril verið samningsbundinn Wolves.

Ikeme á að baki 191 deildarleik fyrir Wolves en hann hefur þó oft verið lánaður til annarra félaga. Jón Daði Böðvarsson lék með Ikeme hjá Wolves áður en okkar maður samdi við Reading.

Jón Daði birti fallega mynd á Twitter í vikunni þar sem hann heldur á íslensku landsliðstreyjunni með nafni Ikeme. Allt landsliðið er með Jóni á myndinni en þeir vildu sýna Ikeme stuðning á erfiðum tíma.

,,Hópurinn vildi gera þetta og Jón Daði spilaði með honum hjá Wolves, ég óska honum alls hins besta frá hópnum. Fótboltinn er ein stór fjölskylda sem stendur saman,“ sagði Aron Einar Gunnarsson í dag.

All of us in @footballiceland are with you @Carl_Ikeme ??❤️ pic.twitter.com/LMy4fumDj5

— Jon Dadi Bodvarsson (@jondadi) 17 June 2018