Sergio Aguero, leikmaður Argentínu, átti alls engan stórleik fyrir liðið í kvöld sem mætti Króatíu.
Aguero skoraði í fyrsta leik Argentínu í riðlakeppninni gegn Íslandi í leik sem lauk með 1-1 jafntefli.
Aguero er nú hins vegar gagnrýndur en eftir fyrri hálfleikinn í kvöld hafði hann aðeins snert boltann sjö sinnum.
Það er gríðarlega lítið en Lionel Messi var með næst fæstar snertingar eða 20 talsins eftir 45 mínútur.
Króatía vann leikinn örugglega 3-0 að lokum en Aguero var tekinn af velli snemma í síðari hálfleik.