Rafael van der Vaart, fyrrum leikmaður Tottenham, hafði enga trú á Harry Kane á sínum tíma er þeir voru saman hjá félaginu.

Van der Vaart var stjarna í liði Tottenham er Kane var ungur framherji sem margir bjuggust ekki við miklu af.

Van der Vaart sagði liðsfélaga sínum á meðal annars að Kane væri ömurlegur en hann er talinn einn besti ef ekki besti framherji heims í dag.

,,Harry Kane æfði með okkur nokkrum sinnum og í fyrsta eða annað skiptið þá man ég því sem ég sagði við liðsfélaga minn,“ sagði Van der Vaart.

,,’Hann er svo ömurlegur leikmaður, hann getur ekki stjórnað boltanum’. Það er ótrúlegt hvernig hann hefur bætt sig.“

,,Hann er svo góður leikmaður og besti framherji heims. Ég sá það ekki fyrst en þú sást að hann var að læra og ég ber mikla virðingu fyrir því.“