Odion Ighalo, leikmaður Nígeríu, segir að liðið ætli að sækja gegn Íslandi er liðin mætast á föstudag.
Nígería tapaði 2-0 gegn Króatíu í fyrsta leik HM en liðið þótti alls ekki sannfærandi í tapinu.
Ighalo lofar öðruvísi leik á föstudaginn og segir að liðið ætli að sækja á íslensku vörnina.
,,Liðsandinn er okkur mjög mikilvægur. Tap eða sigur, við stöndum alltaf saman og hugsum eins,“ sagði Ighalo.
,,Við trúum á þennan hóp og þetta lið. Leikurinn við Ísland verður öðruvísi en gegn Króatíu.“
,,Við viljum sækja í þeim leik og við viljum búa til færi því það er eina leiðin til að skora mörk.„
