Nordin Amrabat spilaði með landsliði Marokkó sem tapaði 1-0 fyrir Portúgal á HM í hádeginu.
Marokkó er úr leik í keppninni eftir 1-0 tap en Cristiano Ronaldo skoraði eina mark leiksins.
Samkvæmt Amrabat var dómari leiksins, Mark Geiger, mikill aðdáandi Ronaldo og vildi fá treyju leikmannsins í hálfleik.
,,Ég veit ekki hverju hann er vanur en hann var mjög hrifinn af Cristiano Ronaldo,“ sagði Amrabat.
,,Ég heyrði það frá Pepe að hann hafi spurt hvort hann ætti að biðja um treyju Ronaldo í hálfleik.“
,,Hvað er í gangi hérna? Á heimsmeistaramótinu? Þetta er ekki sirkus.“