Cristiano Ronaldo reyndist hetja Portúgal í dag sem vann Marokkó 1-0 í riðlakeppni HM í Rússlandi.
Ronaldo var að skora sitt fjórða mark á HM en hann gerði þrjú gegn Spáni í fyrsta leik liðsins.
Það þýðir að Ronaldo er nú kominn með 85 landsliðsmörk sem er það mesta sem leikmaður frá Evrópu hefur skorað.
Ronaldo er næst markahæsti landsliðsmaður frá upphafi en aðeins Ali Daei hefur gert fleiri mörk fyrir landslið.
Daei er fyrrum leikmaður Íran en hann skoraði 109 mörk á sínum tíma og er örugglega á toppnum.
Ronaldo er 33 ára gamall í dag og virðist eiga nóg eftir og er aldrei að vita hvort hann bæti met Daei.