Ólafur Jóhannesson, þjálfari Vals, gat brosað í kvöld eftir 2-1 sigur á FH í toppslag í Pepsi-deild karla.

Óli var ánægður með spilamennsku sinna manna en hefði viljað sjá fleiri mörk enda fengu Valsmenn ótal tækifæri til að bæta við.

,,Ég er mjög glaður, þetta var frábært. Þetta voru tvö hörkufín lið og sem betur fer datt leikurinn okkar megin,“ sagði Ólafur við Stöð 2 Sport.

,,Við ákváðum að koma fast á þá í byrjun og láta þá finna vel fyrir okkur og koma inn marki strax en stundum vill annað liðið detta niður eftir að það kemst yfir sem gerðist en við löguðum það í seinni hálfleik.“

,,Við fengum 2-3 færi þar sem við komumst einir í gegn og eigum að klára en sem betur fer kom það ekki að sökum í kvöld.“

,,Það er mikið eftir af þessari deild en við getum verið ánægðir núna og söfnum bara stigum.“