Roy Keane, fyrrum leikmaður Manchester United, er ekki mesti aðdáandi Carlos Queiroz sem stýrir í dag landsliði Íran.
Queiroz var lengi aðstoðarmaður Sir Alex Ferguson hjá United en hann vann þar í samanlagt fimm ár.
Keane segir að samband hans og Portúgalans hafi verið gott til að byrja með en breyttist eftir að Queiroz hafði snúið aftur eftir stutta dvöl hjá Real Madrid.
,,Ég vann með honum hjá Manchester United, hann er nokkuð varnarsinnaður,“ sagði Keane.
,,Samband okkar var ágætt, sérstaklega er hann var þarna fyrst en í seinna skiptið þá fannst mér hann sýna mér óvirðingu þegar ég var nálægt því að kveðja félagið.“
,,Okkur lenti saman og hann efaðist um mína tryggð. Ég sagði honum hvert hann mætti fara og það sem ég sé kannski mest eftir er að hafa ekki rifið hausinn af honum.“