Leicester City á Englandi hefur fest kaup á miðjumanninum James Maddison en þetta var staðfest í dag.
Maddison kemur til Leicester frá Norwich þar sem hann hefur spilað undanfarin tvö ár.
Maddison er 21 árs gamall leikmaður en hann er uppalinn hjá Coventry áður en hann gekk í raðir Norwich.
Maddison vakti mikla athygli á síðustu leiktíð en hann gerði 14 mörk í 41 leik fyrir Norwich.
Hann fær nú tækifæri í sterkari deild og skrifaði undir fimm ára samning við Leicester.
