Gareth Southgate, þjálfari enska landsliðsins, meiddist í dag er hann skellti sér út að hlaupa í Rússlandi.
Southgate og félagar undirbúa sig nú fyrir leik gegn Panama á HM en liðið vann Túnis í fyrsta leik riðlakeppninnar.
Southgate lenti í leiðindaratviki í dag er hann fór út að hlaupa í sólinni í dag en hann fór þá úr axlarlið.
Southgate er auðvitað fyrrum atvinnumaður en hann lék við góðan orðstír hjá Crystal Palace, Aston Villa og Middlesbrough.
Það er vonandi að Southgate jafni sig fljótt og verði eldhress á hliðarlínunni í næsta leik Englands.
