Forseti Sampdoria, Massimo Ferrero, virðist hafa staðfest það að Lucas Torreira sé á leið til Arsenal.
Torreira hefur sterklega verið orðaður við Arsenal í sumar en hann er með Úrúgvæ á HM þessa stundina.
Arsenal mun borga 26 milljónir punda fyrir miðjumanninn sem kostaði Sampdoria aðeins þrjár milljónir evra.
,,Torreira hefur yfirgefið okkur fyrir 30 milljónir evra. Ég keypti hann frá Pescara þegar enginn trúði á hann,“ sagði Ferrero.
,,Við tókum áhættu með hann og það borgaði sig. Við munum nota þennan pening til að efla félagið.“