Emil Forsberg, leikmaður RB Leipzig, spilar nú með sænska landsliðinu á HM í Rússlandi.
Forsberg og félagar unnu sinn fyrsta leik á HM en liðið hafði betur gegn Suður-Kóreu.
Zlatan Ibrahimovic er ekki með sænska liðinu í Rússlandi en hann lagði landsliðsskóna á hilluna eftir EM í Frakklandi.
Talað var um að Zlatan gæti farið með liðinu á HM og segir Forsberg að það hefði hjálpað að hafa hann með.
,,Við komumst á HM án Zlatan en það er staðreynd að Svíþjóð væri betra lið með hann í hópnum,“ sagði Forsberg.
,,Hann er þó ekki hérna lengur og það ætti ekki að vera vandamál. Við erum sterkt lið og erum ástríðufullir.“
