Íslenska landsliðið er komið til Volgograd í Rússlandi en liðið mætir Nígeríu á HM á föstudaginn.
Ísland mun leika sinn annan leik í riðlakeppninni en fyrsti leikur liðsins endaði með 1-1 jafntefli gegn Argentínu.
Það gæti reynst erfitt að spila á vellinum í Volgograd en það sást í leik Englands og Túnis í vikunni.
Flugur gerðu allt vitlaust á vellinum í 2-1 sigri Englands og fengu leikmenn þær í augun og í munninn.
Alfreð Finnbogason gerir sér grein fyrir ástandinu og birti skemmtilega mynd á Twitter í dag.
Þar má sjá Alfreð vel tilbúinn í slaginn og ljóst að flugurnar munu ekki angra hann í þessum galla.
Just arrived in Volgograd, well prepared after watching England’s game pic.twitter.com/gKKj9crgq2
— Alfreð Finnbogason (@A_Finnbogason) 20 June 2018