Jack Wilshere hefur staðfest það að hann muni yfirgefa Arsenal í sumar eftir að samningur hans rennur út.
Framtíð Wilshere hefur verið í mikilli óvissu en hann kom þó við sögu í 38 leikjum Arsenal á síðustu leiktíð.
Wilshere hefur allan sinn feril verið samningsbundinn Arsenal en meiðsli hafa sett stórt strik í reikninginn á hans ferli.
Wilshere hefur nú greint frá því að hann sé á förum og segir ástæðuna aðeins tengjast fótbolta.
Wilshere vill fá meira að spila en honum hefur verið lofað hjá Arsenal og ætlar því að róa á önnur mið.
Miðjumaðurinn á að baki 125 deildarleiki fyrir Arsenal og hefur þá leikið 34 sinnum fyrir England.
