Stjarnan 2-1 ÍBV
0-1 Shahab Zahedi(17′)
1-1 Þorsteinn Már Ragnarsson(24′)
2-1 Baldur Sigurðsson(84′)
Það fór fram einn leikur í Pepsi-deild karla í kvöld en ÍBV heimsótti þá Stjörnuna í Garðabæinn.
Leikur kvöldsins var nokkuð fjörugur en það voru heimamenn sem höfðu betur með tveimur mörkum gegn einu. Stjarnan fer á toppinn með sigri kvöldsins.
ÍBV tók forystuna í leik kvöldsins en það gerði framehrjinn Shahab Zahedi en hann fór þá illa með Daníel Laxdal i vörn Stjörnunnar áður en hann skoraði úr þröngu færi.
Forystan entist þó í aðeins sjö mínútur en Þorsteinn Már Ragnarsson jafnaði þá metin fyrir Stjörnuna eftir frábæra sókn.
Staðan var 1-1 þar til á 84. mínútu leiksins er Baldur Sigurðsson skoraði eftir hornspyrnu og tryggði Stjörnunni verðskulduð þrjú stig.
