Gestgjafar Rússlands byrja heimsmeistaramótið gríðarlega vel en liðið mætti Egyptalandi í annarri umferð í kvöld.
Rússar byrjuðu mótið á því að sigra Sádí Arabíu 5-0 en margir efuðust um gæði heimaliðsins áður en keppnin hófst.
Rússar mættu svo Egyptum í kvöld og unnu sannfærandi 3-1 sigur og eru í raun komnir í 16-liða úrslit keppninnar.
Ekkert heimalið hefur byrjað jafn vel á HM og Rússar á þessu ári en liðið er með markatöluna 8-1 og sex stig.
Ítalía vann fyrstu tvo sína leiki árið 1934 og skoruðu átta mörk en fengu á sig tvö sem er verri árangur.
Þetta kemur mörgum á óvart en Rússar eiga svo Úrúgvæ í síðasta leik sínum sem verður erfitt verkefni.