Hörður Snævar Jónsson skrifar frá Rússlandi:
Það verður frídagur að mestu hjá íslenska landsliðinu í Rússlandi í dag, nú tveimur dögum eftir leikinn gegn Argentínu.
Þar fá leikmenn verðskuldaða hvíld til að endurnæra líkamann og safna kröftum fyrir næsta stríð.
Næsti leikur Íslands er á föstudag gegn Nígeríu en mjög eðlilegt er að gefa frí tveimur dögum eftir leik ef kostur er á.
Heimir Hallgrímsson segir í samtali við FIFA að það sé í forgangi að hlaða upp orkuna í líkamanum fyrir átökin gegn Nígeríu.
,,Þeir eru mjög kraftmiklir, sterkir og með mikla hlaupagetu. Þá þarf batteríið að vera fullt. Það er forgangur fyrir þann leik að fylla batteríið,“ sagði Heimir.
Góðan daginn frá Kabardinka??! Enginn æfing hjá #isl í dag. Heimir um #NGA liðið: „Þeir eru mjög kraftmiklir, sterkir og með mikla hlaupagetu. Þá þarf batteríið að vera fullt. Það er forgangur fyrir þann leik að fylla batteríið.“#WorldCup #FyrirIsland pic.twitter.com/nDiL4lzqDT
— Pétur Hreinsson, FIFA (@FIFAWorldCupISL) June 18, 2018