Jose Mourinho stjóri Manchester United var afar sáttur með það hvernig Ísland spilaði gegn Argentínu.
Sumir erlendir sérfræðingar hafa gagnrýnt leikstíl Íslands, hversu mikla áherslu liðið setur á varnarleik.
Ísland náði í jafntefli gegn Argentínu, frábær úrslit.
,,Þegar lið gefur allt í leikinn, þá er ekki hægt að biðja um meira. Þeir voru þéttir, ég er með mynd i hausnum frá 69 mínútu þegar þeir eru með níu leikmenn og markvörð í vítateig sínum. Svo er ég með aðra mynd á 87 mínútu með alla tíu leikmennina og markvörð í vítateignum. Þeir voru þéttir,“ sagði Mourinho.
,,Það getur enginn skammað þá fyrir þessa aðferð, ekkert maður á mann gegn Messi eða öðrum sóknarleikmönnum. Þeir voru bara þéttir, lokuðu svæðum. Lokuðu vængjunum, ekkert svæði fyrir aftan vörnina. Þeir fengu færi til að skora, kláruðu það.“
,,Argentína var með boltann og reyndu og reyndu, Messi var alltaf með boltann fyrir utan teiginn. Frábært að sjá hvað leikmenn Íslands lögðu í leikinn, andinn og styrkur.“
Greiningu hans má sjá hér að neðan.