Celestine Babayaro, fyrrum bakvörður Chelsea, er alls ekki of hrifinn af landsliði Nígeríu sem er með Íslandi í riðli.

Nígería mætir Íslandi í næsta leik á HM en Babayaro segir að leikmenn og stuðningsmenn haldi að liðið sé mun betra en það er í raun.

,,Við erum að blekkja okkur sjálf. Nígería hefur bara verið miðlungs lið,“ sagði Babayaro.

,,Við erum ekki frábærir en við munum hins vegar ekki sætta okkur við það að við séum það.“

,,Við erum að ljúga að okkur sjálfum með því að segja að við séum góðir. Við verðum að sætta okkur við sannleikann til að leggja harðar að okkur.“