Kylian Mbappe, leikmaður Paris Saint-Germain, hefur staðfest það að hann hafi hitt Arsene Wenger, fyrrum stjóra Arsenal, í fyrra.

Mbappe gekk í raðir PSG frá Monaco en Wenger vildi fá hann til Arsenal er hann var þar við stjórnvölin.

,,Ég hitti Arsene Wenger sem er frábær stjóri. Hans orðspor í Frakklandi er mjög gott,“ sagði Mbappe.

,,Hann er mjög virutr hérna og hann veit hvernig á að þróa unga leikmenn. Þetta var alvöru möguleiki fyrir mig.“

,,Ég fór yfir það góða og slæma hjá öllum félögum en fjölskyldan mín hafði sagt mér að ég þyrfti að taka þessa ákvörðun.“

,,Þetta þurfti að vera ákvörðun til lengri tíma og það var undir mér komið að ákveða það að koma til PSG til að þróa minn leik.“