Stephan Lichtsteiner, fyrirliði Sviss, segir að það sé mjög erfitt að spila gegn Neymar, leikmanni Brasilíu.
Lichtsteiner og félagar mættu Neymar í fyrsta leik sínum á HM í gær en leiknum lauk með 1-1 jafntefli.
Neymar fékk ófáar aukaspyrnur í leiknum í gær og var Lichtsteiner farinn að hafa áhyggjur af dómara leiksins.
,,Það var erfitt að spila gegn honum, hann er fljótur og teknískur, þú þarft að vera nálægt honum allan tímann því hann er hættulegur,“ sagði Lichtsteiner.
,,Ég hafði kannski smá áhyggjur af dómaranum því í hvert einasta skipti sem hann fer í grasið þá er það aukaspyrna. Ég þurfti að passa mig.“