Hörður Snævar Jónsson skrifar frá Rússlandi:
Það verður frídagur að mestu hjá íslenska landsliðinu í Rússlandi í dag, nú tveimur dögum eftir leikinn gegn Argentínu.
Þar fá leikmenn verðskuldaða hvíld til að endurnæra líkamann og safna kröftum fyrir næsta stríð.
Næsti leikur Íslands er á föstudag en mjög eðlilegt er að gefa frí tveimur dögum eftir leik ef kostur er á.
Þó er líklegt að einhverjir skelli sér í ræktina eða hreyfi sig eitthvað, sumum finnst það einfaldlega betra.
Þá gæti dagurinn verið dýrnmætur fyrir Jóhann Berg Guðmundsson sem meiddist á kálfa en það er óvíst hversu lengi þau meiðsli halda honum frá æfingum og leikjum.