England 2-1 Túnis
1-0 Harry Kane(11′)
1-1 Ferjani Sassi(víti, 35′)
2-1 Harry Kane(92′)
Enska landsliðinu tókst að vinna sinn fyrsta leik í riðlakeppni HM en liðið mætti Túnis í dag.
England byrjaði leikinn mjög vel og var hættulegt fram á við og komst svo yfir með marki frá Harry Kane.
John Stones átti skalla að marki Túnis eftir hornspyrnu og hrökk boltinn svo til Kane sem skoraði.
Túnis jafnaði svo metin fyrir lok fyrri hálfleiks úr vítaspyrnu eftir að Kyle Walker hafði gerst brotlegur.
Síðari hálfleikur var engin flugeldasýning en sigurmark Englendinga kom í uppbótartíma.
Það var Kane sem skoraði einnig sigurmark Englands eftir hornspyrnu en hann skallaði boltann í stöng og inn af stuttu færi. Lokastaðan 2-1 fyrir Englandi.
