Romelu Lukaku, leikmaður Belgíu, segir að fólk í heimalandi sínu, Belgíu, hafi gaman að því að sjá hann gera mistök.
Lukaku segir að fólk hafi hlegið að sér er hann samdi við Chelsea á sínum tíma þar sem honum gekk illa.
,,Ég veit ekki af hverju sumt fólk í mínu eigin landi vill sjá mig mistakast. Ég veit það í alvöru ekki,“ sagði Lukaku.
,,Þegar ég fór til Chelsea og fékk ekki að spila þá heyrði ég þau hlæja að mér. Þegar ég var lánaður til West Brom var hlegið að mér.“
,,Það er allt í lagi, þetta fólk var ekki með mér þegar ég helti vatni út á morgunkornið. Ef þú varst ekki með mér þegar ég átti ekki neitt þá geturðu ekki skilið mig.“