Mexíkó spilar þessa stundina við Þýskaland í riðlakeppni HM í Rússlandi en leiknum fer senn að ljúka.
Staðan eftir 83 mínútur í leiknum er 1-0 fyrir Mexíkó en Hirving Lozano kom Mexíkó yfir í fyrri hálfleik.
Margir bjuggust við því að Þjóðverjar myndu vinna leikinn sannfærandi en það er svo sannarlega ekki staðreyndin.
Í síðari hálfleik kom Rafael Marquez við sögu hjá Mexíkó en hann er fyrrum varnarmaður Barcelona á Spáni.
Marquez er í dag 39 ára gamall og lék síðast með Atlas í heimalandinu en er án félags þessa stundina.
Marquez er að spila sinn 144. landsleik fyrir Mexíkó og er að spila á sínu fimmta heimsmeistaramóti sem er ótrúleg staðreynd.
Marquez er sá eini í þessari keppni sem spilaði einnig á HM árið 2002 er Brasilía fagnaði sigri.