Paul Pogba, leikmaður Manchester United, segir að enginn leikmaður sé gagnrýndur jafn mikið og hann sjálfur.
Pogba var gagnrýndur á síðustu leiktíð hjá Manchester United en margir vilja meina að hann eigi mikið inni.
Pogba hefur einnig verið gagnrýndur með franska landsliðinu en hann spilar nú með liðinu á HM í Rússlandi.
,,Ég má ekki gera eins mörg mistök og aðrir leikmenn,“ sagði Pogba við Telefoot.
,,Ég varð dýrasti leikmaður heims þegar ég skipti um félag og varð síðan sá leikmaður sem er mest gagnrýndur í heiminum.“
