Patrice Evra, fyrrum leikmaður Manchester United, hefur varað Sergej Milinkovic-Savic við því að ganga í raðir ensku risana.

Evra segir að það sé ekki nóg að vera góður í fótbolta hjá United og segir að þessi miðjumaður Lazio verði að vera tilbúinn að deyja fyrir klúbbinn.

,,Ég passa mig þegar ég tala um Manchester United því það snýst ekki bara um gæði, þú þarft rétta karakterinn og rétta persónuleikann,“ sagði Evra.

,,Það er búist við mjög miklu af þér þarna og ég er ansi hræddur um það að ég myndi spila fyrir þetta félag þó ég fengi ekkert borgað fyrir það.“

,,Ef hann er með þetta hugarfar, ég segi ekki að hann megi ekki biðja um peninga en ef hann fer þangað og sér til þess að hann sé tilbúinn að deyja fyrir félagið þá verð ég ánægður.“