Jordan Pickford, markvörður Englands, segir að hann sé betri en David de Gea var eftir tvö tímabil í ensku úrvalsdeildinni.

Pickford er á mála hjá Everton í dag en hann var keyptur til liðsins fyrir 25 milljónir punda í fyrra.

Pickford er aðdáandi De Gea sem er talinn einn allra besti markvörður heims en Spánverjinn byrjaði nokkuð erfiðlega á Old Trafford.

,,,,De Gea hefur verið ótrúlegur undanfarin tvö eða þrjú tímabil og er örugglega sá besti í heiminum í dag,“ sagði Pickford.

,,Þetta er aðeins mitt annað tímabil í úrvalsdeildinni. Það tók De Gea tíma að komast þar sem hann er í dag og ég tel að það hafi ekki tekið mig eins langan tíma að komast hingað.“