Nú er í gangi leikur ÍBV og Vals í Pepsi-deild karla en 35 mínútur eru liðnar af fyrri hálfleik í Eyjum.
Skelfilegt atvik átti sér stað eftir um hálftíma á Hásteinsvelli er Rasmus Christiansen, leikmaður Vals, meiddist illa eftir spark frá Sigurði Grétari Benónýssyni.
Sigurður var klárlega að reyna við boltann en þrumaði þess í stað í fót Rasmus sem lá sárþjáður eftir í grasinu.
Það lítur út fyrir það að Rasmus sé fótbrotinn eftir þessi viðskipti en hann var borinn af velli og er búið að hringja á sjúkrabíl.
Leikmenn í kringum Rasmus voru slegnir eftir þessi meiðsli og ljóst að þau eru ekki minniháttar.