Rangers hefur tryggt sér króatíska landsliðsmanninn Nikola Katic en hann kemur til félagsins frá Spartak Moskvu.
Katic kostar Rangers 1,5 milljónir punda en hann er gríðarlega spenntur fyrir því að spila undir stjórn Steven Gerrard hjá félaginu.
,,Það er mikil ánægja fyrir mig að vera kominn í þetta stóra félag, eitt af stærstu félögum Evrópu,“ sagði Katic.
,,Það er gott að vera hérna og þetta er stórt skref fyrir mig. Þegar ég heyrði að Steven Gerrard vildi fá mig þá sagði ég umboðsmanninum mínum að ég myndi ná í skóna mína og hlaupa til Skotlands.“
,,Hann er goðsögn alls staðar í fótboltaheiminum og ég er ánægður með að vera hérna með honum.“