West Ham United er að tryggja sér bakvörðinn Jordan Lukaku ef marka má ítalska miðla í dag.
West Ham hefur sýnt Lukaku áhuga í sumar en hann er 23 ára gamall og getur einnig leikið á vængnum.
Jordan er bróðir Romelu Lukaku sem er á mála hjá Manchester United og fara þeir báðir á HM með Belgíu.
Lukaku er samningsbundinn Lazio til næsta árs en hann spilaði alls 44 leiki fyrir liðið á síðustu leiktíð.
Felipe Anderson er þá einnig á leið til West Ham en hann er floginn til Englands í viðræður við félagið.