Sam Allardyce viðurkennir það að hann sé mjög öfundsjúkur út í Gareth Southgate, landsliðsþjálfara Englands.
Stóri Sam var látinn fara frá enska landsliðinu eftir stutt stopp og tók Southgate við keflinu.
Allardyce stýrir í dag liði Everton en hann vildi ólmur komast á heimsmeistaramótið með enska liðinu.
,,Þessi ákvörðun var tekin mjög fljótt,“ sagði Allardyce í samtali við BBC.
,,Einn daginn var ég að spila golf og næsta dag var mér sagt að ég gæti ekki haldið áfram. Ég veit ennþá ekki af hverju.“
,,Ef þeir hefðu tekið meiri tíma í þetta og sýnt meiri þolinmæði þá trúi ég því að ég væri enn landsliðsþjálfari Englands.“
,,Ég er kominn aftur á bak og þó að ég sé gríðarlega öfundsjúkur út í Gareth Southgate þá vona ég að strákunum gangi vel.“
