Breiðablik hefur ákveðið að losa sig við framherjann Hrvoje Tokic en þetta kemur fram á heimasíðu félagsins í kvöld.

Í tilkynningu Breiðabliks segir að Tokic megi ræða við önnur félög en hann er ekki inni í myndinni hjá Ágústi Gylfasyni, þjálfara Blika.

Tokic er 27 ára gamall framherji en hann kom til Blika frá Víkingi Ólafsvík í fyrra en hefur fengið takmarkaðan spilatíma þetta sumarið.

Einnig kemur fram í tilkynningu Blika að danskur framherji sé í skoðun hjá félaginu og er verið að íhuga að semja við hann.

Félagaskiptaglugginn á Íslandi opnar 15. júlí næstkomandi og myndi framherjinn ganga í raðir félagsins þá.