Gareth Bale mun gera allt mögulegt til að komast aftur til Tottenham í sumar. Don Balon greinir frá þessu í kvöld.
Bale gæti vel verið á förum frá Real Madrid í sumar og gaf það sterklega í skyn eftir úrslitaleik Meistaradeildarinnar.
Í fyrstu var talið að Bale myndi ekki ganga aftur í raðir Tottenham en nú fara líkurnar hækkandi.
Samkvæmt Don Balon vill Real selja Bale til Manchester United sem býður hæst í leikmanninn.
Bale vill þó snúa aftur til Tottenham þar sem hann var frábær áður en hann hélt út til Spánar.
Samkvæmt þessum fregnum er Bale nálægt því að ná samkomulagi við Tottenham og er tilbúinn að taka á sig lægri laun.