Kleberson, fyrrum leikmaður Manchester United, segir að Ronaldinho hafi sannfært sig um að ganga í raðir félagsins árið 2003.

Kleberson samdi þá við United sem efnilegur leikmaður og hélt hann að Ronaldinho myndi fara með sér til Englands.

Ronaldinho var í viðræðum við enska stórliðið en ákvað á endanum að ganga í raðir Barcelona.

,,Ronaldinho sagði við mig að hann væri á leið til Manchester,“ sagði Kleberson í samtali við ESPN.

,,Hann sagði ítrekað við mig að koma til Manchester. Ég vildi fara en hikaði því ég talaði ekki ensku.“

,,Ronaldinho sannfærði mig á endanum um að fara þangað en hann ákvað svo að hætta við.“