Trent Alexander-Arnold er nýjasta stjarna enska landsliðsins en hann er partur af HM hópi Englands í Rússlandi.
Alexander-Arnold vakti athygli með Liverpool á síðustu leiktíð og fékk reglulega að spila undir stjórn Jurgen Klopp.
Bakvörðurinn er með hjarta úr gulli en hann hefur áður komist í fréttirnar fyrir að hjálpa þeim sem minna eiga til.
Ungur stuðningsmaður Englands ætlaði að fá sér treyju merkta Alexander-Arnold en hver stafur kostar eitt pund.
Það reyndist of mikið fyrir Ben Kelly sem íhugaði að láta skrifa „Trent“ aftan á treyjuna.
Alexander-Arnold sá Twitter-færslu Kelly og ákvað að bjóða fram sína hjálp. Hann ætlar að senda treyju til stráksins með eigin nafni.
Þetta má sjá hér.
DM me with your details and shirt size mate??? @bkelly776 https://t.co/xAHkkvO3Fd
— Trent Arnold (@trentaa98) 10 June 2018