KR 2-2 FH
1-0 Kennie Chopart(7′)
1-1 Steven Lennon(55′)
2-1 Andre Bjerregaard(92′)
2-2 Atli Guðnason(93′)
Síðasta leik áttundu umferðar Pepsi-deild karla var nú að ljúka en KR fékk þá FH í heimsókn í Frostaskjólið.
Heimamenn í KR byrjuðu leikinn mun betur og tóku forystuna í byrjun leiks er Kennie Chopart skoraði fínt mark.
FH-ingar voru mjög óöruggir í byrjun leiks og voru í raun heppnir að KR hafi ekki bætt við eftir fyrsta markið.
Staðan var 1-0 í hálfleik en Steven Lennon jafnaði svo metin fyrir FH í síðari hálfleik með stórkostlegu marki.
Geoffrey Castillion kassaði boltann á Lennon sem tók þrumaði boltanum viðstöðulaust yfir Beiti í marki KR og í netið.
Andre Bjerregaard virtist svo vera að tryggja KR sigur með marki í uppbótartíma eftir góða skyndisókn og staðan orðin 2-1.
Sú forysta entist í aðeins mínútu en Atli Guðnason jafnaði metin strax fyrir FH og lokatölur 2-2 í ótrúlegum leik!