Stjarnan vann ótrúlegan sigur á Fjölni í Pepsi-deild karla í kvöld en liðin áttust við á Samsung vellinum í Garðabæ.
Staðan var 1-1 eftir fyrri hálfleik en lauk með 6-1 sigri Stjörnumanna eftir að liðið hafði skorað fimm mörk á 14 mínútum í síðari hálfleik.
Hér má sjá það góða og slæma úr leiknum.
Plús:
Stjörnumenn nýttu sér þessi vandræði Fjölnis í byrjun síðari hálfleiks alveg fullkomlega. Tóku öll völd á vellinum og skoruðu FIMM mörk.
Fimm mörk á 14 mínútum. Ég man ekki eftir að hafa séð annað eins í Pepsi-deildinni. Þvílíkur kafli hjá Stjörnumönnum.
Það er stór plús á Stjörnuna að hætta ekki eftir eitt eða tvö mörk. Keyrðu áfram á gestina og uppskáru mörkin fimm.
Mínus:
Ég hef ALDREI séð lið brotna og hrynja eins mikið og Fjölnismenn gerðu í upphafi fyrri hálfleiks. Ég á ekki til svör.
Að fá á sig fimm mörk á 14 mínútum er risastórt brandari. Vörnin var ekki á vellinum, það var ekkert gert til þess að stoppa Stjörnuna í að raða inn mörkum.
Þórður Ingason þurfti að fara af velli í hálfleik og í kjölfarið fengu Fjölnismenn fimm mörk á sig, er hann svo mikilvægur? Það er samt ekki hægt að skrifa þetta á Hlyn varamarkvörð.
Það er eitthvað mikið að hjá Fjölni sem þarf að skoða. Þetta er svo langt frá því að vera eðlilegt. Eitthvað þarf að breytast og það strax.