Srdjan Tufegdzic, þjálfari KA, var svekktur í kvöld eftir 2-0 tap liðsins gegn KR í sjöttu umferð Pepsi-deildar karla.
,,Fyrstu viðbrögð eru bara vonbrigði að tapa leiknum. Ég er ekki vanur að tapa svona mikið,“ sagði Tufa.
,,Þessi leikur var jafn allan tímann. Þeir skora þetta mark í lok fyrri hálfleiks sem gefur þeim ró í síðari hálfleik. Fram að markinu var þetta jafn leikur.“
,,Við erum að koma okkur í góða stöðu til að skapa hættulega stöðu en það vantar betri úrslitasendingu eða skot á markið.“
,,Við ættum að vera með fleiri stig og eigum skilið fleiri stig en það eina sem við getum gert er að halda áfram að vinna okkar vinnu.“
