Cristiano Ronaldo vakti athygli í gær er hann gaf sterklega í skyn að hann væri á förum frá Real Madrid eftir 3-1 sigur á Liverpool í úrslitum Meistaradeildarinnar.
Ronaldo hefur unnið allt mögulegt með spænsku risunum og hefur gefið það í skyn að hann muni leita annað í sumar.
,,Peningar eru ekki vandamálið. Ég hef unnið Meistaradeildina fimm sinnum og Ballon d’Or fimm sinnum. Ég hef komið mér í sögubækurnar aftur og aftur,“ sagði Ronaldo.
,,Ég er ekki í uppnámi því ég veit hvað ég hef gefið félaginu. Ég vil ekki eyða þessari minningu með liðsfélögum mínum sem eru meistarar.“
,,Ég get ekki lofað eða fullyrt neitt, ég mun ekki fela mig. Ég ræði málin á næstu dögum, lífið er ekki bara um að sigra.“
,,Þetta var ekki rétti tíminn til að tjá mig en ég verð að vera hreinskilinn. Ég tala ekki mikið en þegar ég tala þá tala ég.“
,,Auðvitað hef ég eitthvað að segja en þetta var ekki rétti tíminn. Ég sé þó ekki eftir því, ég var hreinskilinn.“
