Paul Pogba, miðjumaður Manchester United, var spurður út í hvaða miðjumenn væru betri en hann í dag.

Pogba hefur átt upp og niður daga á Old Trafford þar sem hann kom fyrir metfé frá ítalska stórliðinu Juventus.

Pogba nefndi nokkra leikmenn sem eru enn í hæsta gæðaflokki í dag og einnig fyrrum leikmann Arsenal, Abou Diaby.

,,Betri miðjumenn en ég? Iniesta, Modric, Kroos, De Bruyne og jafnvel Abou Diaby. Hann var frábær hjá Arsenal,“ sagði Pogba við Canal+.

Diaby var flottur á miðju Arsenal á sínum tíma en glímdi við þrálát meiðsli og var á endanum leystur undan samningi.