ÍBV var ekki í miklum vandræðum með Keflavík er liðin áttust við í sjöttu umferð Pepsi-deildar karla í kvöld.
Keflavík tapaði heima 3-1 og er liðið á botni deildarinnar með aðeins tvö stig eftir sex umferðir. Þetta var fyrsti sigur ÍBV í deildinni í sumar.
Hér má sjá það góða og slæma úr leiknum.
Plús:
Kristján Guðmundsson hefur mátt þola ýmislegt umtal á þessu tímabili og í fyrra, hann virðist hins vegar vera að smíða fínt ÍBV liðið á nýjan leik.
Sigurður Grétar Benónýsson kemur með öðruvísi spil í hendur ÍBV í sóknarleiknum, mikill kraftur í honum.
Sindri Snær Magnússon er leiðtogi og besti leikmaður ÍBV, leikur liðsins snýst um að Sindri eigi góðan dag.
Mínus:
Keflavík virðist vera slakasta lið deildarinnar, það er ansi líklegt að liðið fari beint niður í Inkasso deildina.
Sigurbergur Elísson meiddist á nýjan leik og var borinn af velli, meiðsli hafa heldur betur sett strik í reikning þessa hæfileikaríka leikmanns.
Mistökin sem Sindri Kristinn Ólafsson markvörður Keflavíkur gerði í öðru marki ÍBV voru i anda Loris Karius, andvökunótt hjá Sindra.
Einar Orri Einarsson svaf hressilega á verðinum í fyrra marki ÍBV; horfði á boltann en ekki Sindra Snæ.