Fjölnir vann sterkan sigur í Pepsi-deild karla í kvöld er liðið heimsótti Víking Reykjavík í sjöttu umferð.
Fjölnismenn voru sterkari aðilinn í leik kvöldsins og unnu að lokum 2-1 útisigur en Víkingar minnkuðu muninn undir lok leiks.
Hér má sjá það góða og slæma úr leiknum.
Plús:
Fjölnismenn reyndu að spila flottan og góðan fótbolta og það gekk upp á köflum þrátt fyrir erfiðar aðstæður.
Þeir gulu mættu virkilega grimmir til leiks og sýndu það strax í byrjun að þeim var alvara og ætluðu sér að sækja sigur.
Birnir Snær Ingason var mjög flottur í kvöld. Fór oft illa með vörn Víkinga. Skemmtilegur leikmaður.
Víkingar mega eiga það að þeir gáfu allt í þetta undir lok leiks. Það var þó bara ekki nóg. Of seint.
Mínus:
Fyrst og fremst aðstæðurnar. Grasið á þessum blessaða velli er bara í engu standi. Erfitt að spila góðan leik.
Það var nánast engin ógn fram á við hjá Víkingum. Rick ten Voorde og Vladimir Tufegdzic buðu ekki upp á neitt.
Sölvi Geir Ottesen meiddist í fyrri hálfleik hjá Víkingum en hann hefur verið eitthvað tæpur. Var ekki upp á sitt besta áður en hann var tekinn af velli.
Varnarleikur Víkinga í heild sinni var oft bara fyndinn. Hlupu frá mönnum og fengu Fjölnismenn oft allt, allt of mikið pláss.