Ólafur Jóhannesson, þjálfari Vals, var ánægður með að fá þrjú stig í kvöld eftir 2-1 sigur á Blikum á Origo vellinum.

,,Eins og ég hef sagt áður, þá höfum við ekki alveg verið í takti og þess vegna er frábært að vinna leik,“ sagði Óli.

,,Við vorum betri nánast allan leikinn og það er skiljanlegt að menn falli til baka þegar þeir komast yfir að reyna að verja markið og forskotið en við vorum betri allan leikinn.“

Ólafur Karl Finsen reyndist hetja Vals í kvöld en hann fékk loksins fyrstu mínúturnar í búningi Íslandsmeistaranna.

,,Óli Kalli kemur inn á rétta augnablikinu. Þetta gefur honum fullt sjálfstraust, hann hefur verið upp og niður hjá okkur á æfingum en auðvitað er hann frábær fótboltamaður og þess vegna fengum við hann í Val.“